Իջևան-Նոյեմբերյան ճանապարհին տեղի ունեցած վթարի հետևանքով հոսպիտալացվել է 2 մարդ
ՀՀ արտակարգ իրավիճակների նախարարությունը հունվարի 18-ին, ժամը 19.28-ին տեղեկատվություն է ստացել, որ Մ4 ավտոճանապարհի Իջևան-Նոյեմբերյան հատվածի 2-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Բախվել են «ՎԱԶ-21099» մակնիշի 34 ZZ 830 պ/հ (վարորդ՝ 1974 թ. ծնված Հ. Վ.) ավտոմեքենան և «Բելառուս» մակնիշի տրակտորը: Մինչ փրկարարների` կանչի վայր հասնելը «ВАЗ-21099» մակնիշի ավտոմեքենայի վարորդին և ուղևոր` 1982 թ. ծնված Ս. Ա.-ը տեղի ուժերով դուրս են բերել ավտոմեքենայից և տեղափոխել Իջևան քաղաքի ԲԿ, որտեղ բժիշկները տուժածների առողջական վիճակը գնահատել են ծանր:
Փրկարարները հոսանքազրկել են ավտոմեքենան և փակել գազի բալոնի փականը:
