ԱՄՆ-ն կստուգի Հետաքննությունների դաշնային բյուրոյի ազդեցությունը Հիլարի Քլինթոնի պարտության վրա
ԱՄՆ արդարադատության նախարարությունը սկսել է Հետաքննությունների դաշնային բյուրոյի և դատախազության նկատմամբ հետաքննություն՝ ստուգելու փաստերը «Քլինթոնի նամակների» գործի շրջանակում և պարզելու, թե արդյոք այդ գործողությունները կարող էին ազդել Հիլարի Քլինթոնի հաղթանակի վրա նախագահական ընտրություններում, հայտնում է USA Today-ը։
Պարբերականի տեղեկություններով՝ ԱՄՆ արդարադատության նախարարության գլխավոր տեսուչ Մայքլ Հորովիցը հունվարի 12-ին հայտարարել է ՀԴԲ-ի գործողությունների վերանայման մասին ԱՄՆ նախկին պետքարտուղարի էլ. փոստի նամակագրության հետաքննության շրջանակում, որը դեմոկրատ թեկնածուն համարում է այնպիսին, որ կարող էր խանգարել իրեն Սպիտակ տան համար պայքարում հաղթանակի հասնելու հարցում։
Նա բացատրել է նման որոշումը դաշնային օրենսդիրներից և հասարակության ներկայացուցիչներից հարցումների ստացմամբ։
Ներքին հետաքննությունը պետք է պարզի՝ արդյոք հետևել են արդարադատության նախարարությունն ու ՀԴԲ-ն «քաղաքականությանն ու գործողություններին, երբ ՀԴԲ տնօրեն Ջեյմս Կոմին հուլիսին հրապարակավ հայտարարել էր, որ խորհուրդ չի տա քրեական գործ հարուցել Քլինթոնի դեմ։
