Ղազախստանում կոռուպցիայի մեղադրանքով ձերբակալվել է էկոնոմիկայի նախկին նախարարը

Ղազախստանում ձերբակալվել է ազգային էկոնոմիկայի նախկին նախարար Կուանդիկ Բիշմբաևը, հայտնում է TASS-ը՝ վկայակոչելով Կոռուպցիայի հակազդման ազգային բյուրոյին։

Հաղորդվում է, որ նախկին նախարարը մեղադրվում է մի խումբ անձանց հետ առանձնապես խոշոր չափով բազմիցս կաշառք ստանալու մեջ։ Բիշիմբաևը կալանավորվել է 2 ամիս ժամկետով։

Բիշիմբաևը ձերբակալվել է հունվարի 10-ին։

Դեկտեմբերի վերջին Ղազախստանի նախագահ Նուրսուլթան Նազարբաևը Ղազախստանի էկոնոմիկայի նոր նախարար էր նշանակել։ Կուանդիկ Բիշիմբաևը նախարարի պաշտոնը զբաղեցրել է 2016թ. մայիսից։

Նա աշխատանքից ազատվել էր «Բայտերեկ» հոլդինգում իր գործունեության վերաբերյալ ծագած հարցերի պատճառով։

Նրա նկատմամբ քննչական միջոցառումներ էին իրականացվում։