Հենրիխ Մխիթարյանը` խփած գոլի և «Մանչեսթեր Յունայթեդի» հաղթանակի մասին
Ֆուտբոլի Հայաստանի ազգային թիմի և անգլիական «Մանչեսթեր Յունայթեդի» ֆուտբոլիստ Հենրիխ Մխիթարյանը խոսել է Պրեմիեր լիգայում իր երկրորդ գոլի մասին:
«Իրականում կարծում էի, որ գնդակը կհայտնվի իմ առաջ, սակայն թիկունքումս մնաց, և միակ բանը, որ կարող էի անել, այդ կերպ փորձելն էր:
Հիմիա առավել լավ եմ և ուրախ եմ խաղադաշտ վերադառնալու, «Մանչեսթեր Յունայթեդի» հաղթանակի համար: Կփորձեմ առավել հաջող հանդես գալ հաջորդ խաղին»,- ասել է Մխիթարյանը:
Ֆուտբոլի Անգլիայի առաջնության 18-րդ տուրի շրջանակներում «Մանչեսթեր Յունայթեդը», հյուրընկալելով «Սանդերլենդին», հաղթեց 3:1 հաշվով: Մխիթարյանը դուրս եկավ փոխարինման և դարձավ գոլի հեղինակ:
