««Օլդ Թրաֆֆորդը» սիրում է Մխիթարյանին». Ժոզե Մոուրինիո
Անգլիական «Մանչեսթեր Յունայթեդի» գլխավոր մարզիչ Ժոզե Մոուրինիոն խոսել է հայ կիսապաշտպան Հենրիխ Մխիթարյանի գոլի մասին:
«Մխիթարյանի խփած գոլը ֆենոմենալ է: Ուրախ եմ, որ նա վերականգնվել է: «Օլդ Թրաֆֆորդը» սիրում է Մխիթարյանին: Հենրիխը հիմա լավ մարզավիճակում է: Այս գոլը կարևոր էր նրա համար, ոչ միայն գոլի, այլև ստեղծագործ աշխատանքի համար»,- փաստել է Մոուրինիոն:
Ֆուտբոլի Անգլիայի առաջնության 18-րդ տուրի շրջանակներում «Մանչեսթեր Յունայթեդը», հյուրընկալելով «Սանդերլենդին», հաղթեց 3:1 հաշվով: Մխիթարյանը դուրս եկավ փոխարինման և դարձավ գոլի հեղինակ:
