2016 թվականին Հայաստանում արդյունաբերության աճը կկազմի 6-7 տոկոս
Հայաստանում 2016 թվականի տնտեսական արդյունքները կլինեն դրական: Կառավարության նիստից հետո լրագրողների հետ զրույցում նման համոզմունք հայտնեց ՀՀ տնտեսական զարգացման և ներդրումների նախարար Սուրեն Կարայանը՝ ավելացնելով, որ բավական աճ է արձանագրվել արդյունաբերության ոլորտում:
«2016-ի արդյունքներով արդյունաբերության աճը կկազմի 6-7 տոկոս: Աճ կա նաև արտահանման և ներդրումների ոլորտում: Այդ մասին մենք կարող ենք ավելի կոնկրետ խոսել տարին ամփոփելով»,- ասաց Կարայանը։
Տնտեսական ակտիվության ցուցանիշը 2016-ի հունվար–հոկտեմբեր ժամանակահատվածում աճել է ընդամենը 0.4 տոկոսով: Նույն ժամանակահատվածում Հայաստանից արտահանումը կազմել է 698 մլրդ դրամ, ինչը 2015-ի նույն ժամանակահատվածի համեմատ ավելի է 20 տոկոսով:
