Պաշտոնական. Լուիս Սուարեսը մինչև 2021թ. կմնա «Բարսելոնայում»
Իսպանական «Բարսելոնայի» և Ուրուգվայի հավաքականի հարձակվող Լուիս Սուարեսը համագործակցության երկարաձգման վերաբերյալ պայմանավորվել է ակումբի հետ:
Հիշեցնենք, որ 29-ամյա հարձակվողը կապտանռնագույններին է միացել 2014թ. ամռանը, որի հետ նվաճել է արդեն 8 տիտղոս:
Ինչպես հաղորդում է կատալոնական ակումբի պաշտոնական կայքը, «Բարսելոնան» պայմանավորվել է Սուարեսի հետ աշխատանքային համաձայնագիրը մինչև 2021թ. հունիսի 30-ը երկարաձգելու վերաբերյալ:
Նշվում է, որ ըստ նոր պայմանագրի պայմանների, որը պաշտոնապես կստորագրվի այսօր, ուրուգվայցու հրաժարագինը կազմում է 200 մլն եվրո:
Ընթացիկ մրցաշրջանում 2016թ.-ի «Ոսկե խաղակոշիկի» մրցանակակիրը Լուիս Էնրիկեի թիմի կազմում անցկացրել է 20 հանդիպում, դարձել է 13 գոլի և 7 գոլային փոխանցման հեղինակ:
Պատրաստեց Անի Գաբուզյանը
