Թրամփը Հանրապետական կուսակցության ղեկավարի պաշտոնի համար առաջադրել է Ռոմնիի զարմուհու թեկնածությունը

ԱՄՆ նորընտիր նախագահ Դոնալդ Թրամփը Հանրապետական կուսակցության ազգային կոմիտեի նախագահի պաշտոնում առաջադրել է ԱՄՆ նախագահի նախկին թեկնածու Միթ Ռոմնիի զարմուհու՝ Ռոննա Մակդենիելի թեկնածությունը, հայտնում է Fox News-ը։

«Ռոննան չափազանց հավատարիմ է եղել մեր շարժմանը, և նրա ջանքերը վճռորոշ նշանակություն են ունեցել Միչիգանում մեր համոզիչ հաղթանակի համար։ Ես գիտեմ, որ նա նման կիրք կբերի նաև Հանրապետական Ազգային կոմիտե»,- հայտարարել է Թրամփը։

Ներկայումս Մակդենիելը զբաղեցնում է Միչիգան նահանգում կուսակցության բաժնի պետի պաշտոնը։