Թուրքմենստանում աշակերտները կսովորեն նախագահի գրած գրքերով
Թուրքմենստանի կրթության նախարարությունը պարտադրել է դպրոցներին ուսումնական գործընթացում օգտագործել երկրի նախագահ Գուրբանգուլի Բերդիմուհամմեդովի «Իմաստության աղբյուր» գիրքը։
Ինչպես հայտնում է chrono-tm.org կայքը, այդ գրքի մեջբերումներն ու հատվածները հրամայված է կիրառել ուսումնական գործընթացի ժամանակ։
«Իմաստության աղբյուր» գիրքը առածների ու ասացվածքների ժողովածու է, որը «արտացոլում է ժողովրդի հոգևոր աշխարհը, նրա աշխարհընկալումն ու փիլիսոփայությունը»։
Բերդիմուհամմեդովի մեկ այլ գիրք աշակերտները պարտավոր են անցնել 7-րդ դասարանում։
