Բաքվում տեղի է ունեցել ադրբեջանա-իսրայելական փաստաթղթերի ստորագրման արարողություն

Այսօր Ադրբեջանի նախագահ Իլհամ Ալիևի և Իսրայելի վարչապետ Բենիամին Նեթանյահուի փակ հանդիպումից հետո տեղի է ունեցել ադրբեջանա-իսրայելական փաստաթղթերի ստորագրման արարողություն, հայտնում է APA գործակալությունը։

«Ստանդարտացման ոլորտում, համապատասխանության գնահատման ու չափագիտության մասին Ադրբեջանի կառավարության և Իսրայելի կառավարության միջև համագործակցության մասին» համաձայնագիրն ստորագրել են Ադրբեջանի ստանդարտացման, չափագիտության և պատենտների հարցով պետական կոմիտեի նախագահ Ռամիզ Հասանովն ու Իսրայելի շրջակա միջավայրի պաշպանության նախարար Զեև Էլքինը։

«Ադրբեջանի և Իսրայելի կառավարությունների միջև համատեղ հանձնաժողովի ստեղծման մասին» փոխըմբռնման հուշագիրն ստորագրել են Ադրբեջանի ԱԳՆ ղեկավար Էլմար Մամեդյարովն ու Զեև Էլքինը։