Փաստաբանները պահանջում են վարույթ սկսել Վճռաբեկ դատարանի նախագահ Արման Մկրտումյանի դեմ

Մի խումբ փաստաբաններ դիմել են ՀՀ դատավորների ընդհանուր ժողովի էթիկայի և կարգապահական հարցերի հանձնաժողովին: Նրանք պահանջում են հանձնաժողովից պարզելու, թե արդյոք հարուցվե՞լ է կարգապահական վարույթ ՀՀ Վճռաբեկ դատարանի նախագահ Արման Մկրտումյանի նկատմամբ (լուսանկարում):

Իրենց հայտարարությունում փաստաբանները նշում են, որ Մարդու իրավունքների եվրոպական դատարանի 2016թ․ հոկտեմբերի 27-ին «Վարդանյանն ու Նանուշյանն ընդդեմ Հայաստանի» գործով կայացրած վճռում արձանագրվել է, որ ՀՀ վճռաբեկ դատարանի նախագահ Ա. Մկրտումյանի կողմից թույլ է տրվել Մարդու իրավունքների և հիմնարար ազատությունների պաշտպանության մասին կոնվենցիայի 6-րդ հոդվածի 1-ին մասի խախտում:

«Համաձայն ՀՀ դատական օրենսգրքի 153 և 155 հոդվածների, ՄԻԵԴ նշված վճիռը հիմք է դատավորի նկատմամբ կարգապահական վարույթ հարուցելու համար, իսկ ՀՀ վճռաբեկ դատարանի նախագահի նկատմամբ կարգապահական վարույթ հարուցելու իրավունքը վերապահված է բացառապես Դատավորների ընդհանուր ժողովի էթիկայի և կարգապահական հարցերի հանձնաժողովին: Այդ կապակցությամբ խնդրում ենք հայտնել, թե արդյոք հանձնաժողովի կողմից հարուցվել է կարգապահական վարույթ Ա.Մկրտումյանի նկատմամբ, թե ոչ»,- ասված է փաստաբանների հայտարարությունում:

Հայտարարության տակ ստորագրել է 36 փաստաբան։ Փաստաբան Տիգրան Աթանեսյանը, որը նույնպես ստորագրել է դիմումը, ներկայացրել է նաև փաստաբանների անունները։

Փաստաբաններ՝
1. Վահե Գրիգորյան
2. Երվանդ Վարոսյան
3. Տիգրան Եգորյան
4. Վարդուհի Էլբակյան
5. Մերի Ալավերդյան
6. Արծրուն Բադալյան
7. Արթուր Հարությունյան
8. Հովհաննես Չամսարյան
9. Գարիկ Գալիկյան
10. Տիգրան Աբրահամյան
11. Արայիկ Պապիկյան
12. Լուսինե Հակոբյան
13. Գուրգեն Հարությունյան
14. Արթուր Քարամյան
15. Հենրիկ Մարտիրոսյան
16. Հակոբ Սաֆարյան
17. Զառա Միրզոյան
18. Քրիստինա Գևորգյան
19. Գևորգ Դավթյան
20. Գրիշա Բալասանյան
21. Երեմ Սարգսյան
22. Հայկ Հարությունյան
23. Կարապետ Սիմոնյան
24. Ժիրայր Սաֆարյան
25. Սյուզաննա Խչեյան
26. Դավիթ Հայրապետյան
27. Դավիթ Գյուրջյան
28. Անուշ Հարությունյան
29. Վահագն Մարտիրոսյան
30. Լուսինե Սահակյան
31. Արմեն Մուխսիկարոյան
32. Վահան Հովհաննիսյան
33. Դիանա Գրիգորյան
34. Ալինա Ավետիսյան
35. Քրիստինա Բեյբության
36. Տիգրան Աթանեսյան