Թուրքիայում հատուկ գործողություն է իրականացվում. ձերբակալվել է 235 մարդ
Թուրքական ոստիկանությունը Ստամբուլում դեկտեմբերի 10-ին տեղի ունեցած ահաբեկչությունից հետո ձերբակալել է 235 մարդու, որոնք կասկածվում են «Քրդստանի աշխատավորական կուսակցությանը և «Քրդստանի ազատության բազեներ» խմբավորման գործունեությանն առնչություն ունենալու մեջ։
Այս մասին ասվում է Թուրքիայի ներքին գործերի նախարարության կայքում։
Գործողություններ են իրականացվել երկրի 11 նահանգներում, ներառյալ՝ Անկարայում, Ստամբուլում, Գազիանթեփում, Իզմիրում, Ադանայում, Մերսինում։
Ձերբակալվածները մեղադրվում են ահաբեկչության քարոզչություն կատարելու մեջ սոցցանցերի միջոցով ու ահաբեկչական կազմակերպություններին աջակցություն ցուցաբերելու մեջ։
Ավելի վաղ թուրքական ԶԼՄ-ները հայտնել էին թուրքական մի քանի նահանգում քրդամետ «Ժողովուրդների դեմոկրատիա» կուսակցության ակտիվիստների ձերբակալությունների մասին։ Ձերբակալվել էր 118 մարդ։
