«Լեսթերը», պարտվելով «Պորտուին» 0:5 հաշվով, Չեմպիոնների լիգայում սահմանեց հակառեկորդ
«Լեսթերը» Չեմպիոնների լիգայի խմբային փուլի եզրափակիչ խաղում մրցակցի հարկի տակ պարտվեց «Պորտուին» 0:5 հաշվով:
Սա անգլիական ակումբների շրջանում ամենախոշոր պարտությունն է մրցաշարի պատմության մեջ: Ավելի վաղ 4 գնդակի տարբերությամբ անգլիական ակումբները պարտվել էին Չեմպիոնների լիգայում 7 անգամ:
Բացի այդ, «Լեսթերը» 5 գնդակ բաց թողեց արտագնա խաղում 2012թ. մարտի 18-ից սկսած առաջին անգամ, երբ պարտվեց «Չելսիին» (2:5) Անգլիայի գավաթում:
Պատրաստեց Անի Գաբուզյանը
