Նեթանյահուն հայտնել է, թե որ դեպքում կհանդիպի Մահմուդ Աբասի հետ
Իսրայելի վարչապետ Բենիամին Նեթանյահուն Ֆրանսիայի նախագահ Ֆրանսուա Օլանդին հայտնել է, որ, եթե այս ամսվա վերջին նախատեսված՝ Մերձավոր Արևելքի հարցով միջազգային համաժողովը չեղյալ հայտարարվի, ինքը պատրաստ է առանց որևէ նախապայմանի հանդիպել Պաղեստինի առաջնորդ Մահմուդ Աբասի հետ։ Այս մասին հայտնում է «Անադոլու» գործակալությունը։
Նեթանյահուն կարծում է, որ Աբասի հետ հանդիպումը կարող է տեղի ունենալ Փարիզում, որտեղ ինքը պատրաստ է մեկնել։
Նեթանյահուն ընդգծել է, որ միջազգային համաժողովը ոչ մի ավանդ չունի խաղաղ գործընթացում ու իր երկիրը չի մասնակցելու նման նախաձեռնությունների։
Իսրայելի և Պաղեստինի միջև բանակցությունները կասեցվել էին 2014թ. ապրիլին, այն բանից հետո, երբ Թել Ավիվը հրաժարվեց կասեցնել շինարարությունը Պաղեստինի տարածքներում։
