Հանգստյան և տոնական օրերին բանկերը պետք է ապահովեն աշխատանքը. Կարեն Կարապետյանի հանձնարարականը
ՀՀ կառավարության այսօրվա նիստից առաջ վարչապետ Կարեն Կարապետյանը մի շարք հանձնարարականներ տվեց: Առաջինն ուղղված էր Պետական եկամուտների կոմիտեի ղեկավար Վարդան Հարությունյանին:
«Հաշվի առնելով գալիք ամանորյա տոները և տնտեսվարողներին մատուցվող մաքսային ծառայությունների անընդհատությունն ու անխափանությունն ապահովելու նպատակով սահմանել աշխատանքային ժամերի հստակ գրաֆիկ՝ ներառելով դեկտեմբեր ամսի ոչ աշխատանքային և հունվար ամսի տոնական օրերը: Պարոն Հարությունյան, ինձ թվում է՝ շատ լավ շանս է արտակարգ ռեժիմ սահմանել, հոսքը շատ է լինելու, որպեսզի մենք հասկանանք՝ որտեղ են մեր նեղ տեղերը, ինչպես ենք անում, որպեսզի մաքսիմալ հարմարավետ պայմաններ ստեղծենք ներկրողի համար և դրանցի ելնելով եզրակացություն անենք հաստիքացուցակի, նաև այն ժամանակացույցի վերաբերյալ, որն ունենք»,- ասաց վարչապեը:
Կենտրոնական բանկի նախագահ Արթուր Ջավադյանին վարչապետը խնդրեց ապահովել, որպեսզի հանգստյան և տոնական օրերին բանկերն ապահովեն աշխատանքը:
