Հունաստանում համընդհանուր գործադուլ է մեկնարկում

Հունաստանում դեկտեմբերի 8-ին սկսվում է համընդհանուր գործադուլ, որին մասնակցելու են արհմիությունների անդամները, պետական և մասնավոր ոլորտի աշխատակիցները, հայտնում է տեղի Ekathimerini պարբերականը։

Գործադուլի մասնակիցները բողոքում են պետական խնայողության միջոցառումների դեմ՝ աշխատանքային բարեփոխումների և հարկերի բարձրացման։

Խախտվելու է հասարակական տրանսպորտի երթևեկությունը։ Ավտոբուսները և տրոլեյբուսները չեն գործելու ժ. 9.00-21.00-ն ընկած ժամանակահատվածում։Նավահանգիստներում ևս նավերը կմնան կանգնած։
Գործադուլին մտադիր են միանալ բժիշկները, ուսուցիչները, ֆինանսական ոլորտի աշխատակիցները, հարկային տեսուչները։