ԱՄՆ-ում ցանկանում են հետաքննել ընտրություններին ՌԴ միջամտության հարցը
Ամերիկացի կոնգրեսականներ Էլայջա Քամինգսն ու Էրիկ Սուոլուելը դեմտեմբերի 7-ին ԱՄՆ Կոնգրեսի Ներկայացուցիչների պալատ են մտցրել օրինագիծ, որը ենթադրում է անկախ հանձնաժողովի ստեղծում, որը պետք է հետաքննի ԱՄՆ ընտրություններին ցանցահենային հարձակումների միջոցով «ՌԴ կառավարության միջամտությունը», հայտնում է Wired պարբերականը։
Ավելի վաղ ամերիկյան հատուկ ծառայությունները պաշտոնապես մեղադրել էին Ռուսաստանին ԱՄՆ-ի ընտրությունների վրա ազդելու մեջ, սակայն Կրեմլում դա հերքել էին։ Ընտրություններից հետո Սպիտակ տունը խոստովանել էր, որ քվեարկության օրը ցանցահենային ակտիվության ոչ մի ավելացում չի նկատվել։
