ՌԴ-ն պնդելու է, որ ԵԱՏՄ-ում նվազեցվի անմաքս ինտերնետ-առևտրի շեմը
Ռուսաստանի իշխանությունները պնդելու են, որ Եվրասիական տնտեսական միության երկրներ արտասահմանյան ինտերնետ-խանութներից անմաքս ներկրման համար նվազեցվի առաքումների արժեքի շեմը: Այդ մասին հայտարարել է ՌԴ ֆինանսների փոխնախարար Իլյա Տրունինը, տեղեկացնում է «Ինտերֆաքսը»:
«Անտարակույս, մենք պնդելու ենք, որ Եվրասիական միությունում այն (շեմը:- խմբ.) լինի ավելի ցածր»,- այսօր լրագրողների հետ զրույցում ասել է նա:
Իլյա Տրունինը նշել է, որ «անդրսահմանային Էլեկտրոնային առեւտրում մաքսերի հարկման նկատմամբ մոտեցումները պետք է լինեն ճիշտ այնպիսին, ինչպես եւ սովորական մանրածախ առեւտրում, իսկ այնտեղ ոչ մի կարգի շեմեր չկան»:
