«Վաղ թե ուշ հայրս կգլխավորի «Ինտերը»». Ջովանի Սիմեոնե
«Ջենովայի» հարձակվող Ջովանի Սիմեոնեն հայտարարել է, որ իր հայրը՝ Դիեգո Սիմեոնեն, ով գլխավորում է «Ատլետիկոն», ապագայում վերադառնալու է «Ինտեր»՝ որպես գլխավոր մարզիչ:
«Կարծում եմ՝ վաղ թե ուշ հայրս կգլխավորի «Ինտերը»: Համենայն դեպս, ես հույս ունեմ, որ այդպես կլինի: Ես հիմա տեսնում եմ, թե նա որքան երջանիկ է «Ատլետիկոյում», բայց կարծում եմ՝ նրա «Ինտեր» վերադարձը, հնարավոր է՝ մոտ ապագայում տեղի ունենա»,- ասել է Սիմեոնե կրտսերը:
Սիմեոնեի գործող պայմանագիրն «Ատլետիկոյի» հետ նախատեսված է մինչև 2018 թվականի հունիս:
Պատրաստեց Անի Գաբուզյանը
