«Մանչեսթեր Յունայթեդը» չի կարողանում հաղթել Մխիթարյանին փոխարինած ֆուտբոլիստի պատճառով
Անգլիայի առաջնության 14-րդ տուրի շրջանակներում հանդիպեցին «Էվերթոնը» և «Մանչեսթեր Յունայթեդը»: «Գուդիսոն պարկում» տեղի ունեցած հանդիպումն ավարտվեց ոչ ոքի՝ 1:1 հաշվով:
Հանդիպման հաշիվը 42-րդ րոպեին բացեց մանկունյանցիների հարձակվող Զլատան Իբրահիմովիչը:
Հաշվի հավասարությունը դաշտի տերերը վերականգնեցին 87-րդ րոպեին. Հենրիխ Մխիթարյանի փոխարեն 85-րդ րոպեին խաղադաշտ դուրս եկած Մարուան Ֆելաինին սեփական տուգանայինի մատույցներում խախտեց կանոնները «Էվերթոնի» ֆուտբոլիստի նկատմամբ, ինչի արդյունքում մրցավարը 11 մետրանոց հարված նշանակեց, որն էլ հստակ իրացրեց «Էվերթոնի» պաշտպան Լեյտոն Բեյնսը:
