Ներքին զբոսաշրջությունը 11%-ով աճել է

Ըստ ստացված հաշվետվությունների տվյալների, 2016թ. հունվար-սեպտեմբերին հանրապետության տարածքում հյուրանոցային տնտեսության օբյեկտներում տեղաբաշխված զբոսաշրջիկների թվաքանակը կազմել է 867 495 մարդ (ՀՀ ռեզիդենտներ)1, ինչը 2015թ. նույն ժամանակաշրջանի նկատմամբ աճել է 11.0%-ով:

Այս մասին տեղեկանում ենք ՀՀ Ազգային վիճակագրական ծառայությունից։

Ներքին զբոսաշրջության մեծ մասը՝ 71.7%-ը, բաժին է ընկնում հանգստի և ժամանցի նպատակով զբոսաշրջիկներին։

Գործնական նպատակներով զբոսաշրջության տեսակարար կշիռը 16.3% է, բուժման նպատակով՝ 6.7%, այլ նպատակներով՝ 5.3%։