Արմեն Մարտիրոսյանը դեռ ոչինչ չի կարող ասել
Դեռ պարզ չէ՝ «Ժառանգություն» կուսակցությունը կմիանա՞ «Լուսավոր Հայաստան», «Քաղաքացիական պայմանագիր» և «Հանրապետություն» կուսակցությունների դաշինքին, թե՞ ոչ։
168.am-ի հետ զրույցում Արմեն Մարտիրոսյանն ասաց, որ մինչև քննարկումները չվերջանան, որևէ մեկնաբանություն չի կարող տալ որևէ դաշինքի մասնակցել-չմասնակցելու վերաբերյալ։
Հիշեցնենք, որ «Լուսավոր Հայաստան», «Քաղաքացիական պայմանագիր» և «Հանրապետություն» կուսակցությունների ներկայացուցիչները հանդիպել են, որի ընթացքում համագործակցության վերաբերյալ պայմանավորվածություններ են ձեռք բերվել, իսկ դեկտեմբերի 12-ին հանդես կգան համատեղ հայտարարությամբ։
Նշենք նաև, որ «Ժամանակ» թերթը գրել էր, որ «Ժառանգության» փոխնախագահ Արմեն Մարտիրոսյանը բանակցություններ է վարում Վարդան Օսկանյանի «Համախմբման» հետ։
Այդ տեղեկությունների վերաբերյալ Ա. Մարտիրոսյանը նորից պատասխանեց, որ դեռ ոչինչ չի կարող ասել։
