Մոուրինիոն որակազրկման պատճառով բաց կթողնի «Չելսիի» հետ հանդիպումը
Անգլիայի ֆուտբոլային ասոցիացիան որոշում է կայացրել որակազրկել «Մանչեսթեր Յունայթեդի» գլխավոր մարզիչ Ժոզե Մոուրինիոյին: Այդ մասին նշված է կազմակերպության հաղորդագրության մեջ:
Պորտուգալացին բաց կթողնի «կարմիր սատանաներ»ի հաջորդ հանդիպումը «Չելսիի» հետ, որը տեղի կունենա դեկտեմբերի 3-ին` Անգլիայի Պրեմիեր լիգայի 14-րդ տուրում: Բացի այդ, մասնագետը տուգանվել է 16 հազար ֆունտ ստեռլինգով:
Նման որոշում Անգլիայի ֆուտբոլային ասոցիացիան կայացրել է` դիտարկելով «Մանչեսթեր Յունայթեդ»-«Վեսթ Հեմ» խաղը, որի ընթացքում Մոուրինիոն հարվածել է ջրով լի շշին` բողքելով մրցավար Ջոնաթան Մոսսի որոշումը: Մրցավարը դեղին քարտ էր ցույց տվել կիսապաշտպան Պոլ Պոգբային` սիմուլյացիայի համար:
