Ադանայում հրդեհին զոհ է գնացել 12 մարդ
Թուրքիայի հարավային Ադանա նահանգի Ալադաղ շրջանի հանրակացարանում բռնկված հրդեհին զոհ է դարձել 12 մարդ, հայտնում է թուրքական «Անադոլու» գործակալությունը:
Հանրակացարանում բնակվել են հանրակրթական դպրոցների միջնակարգ դասրաններում սովորող աղջիկներ։ 24 դպրոցական այրվածքներ է ստացել ու տարհանվել եռահարկ հանրակացարանի շենքից։
Ադանայի նահանգապետ Մահմուդ Դեմիրթաշը հայտնել է, որ զոհերի թվում կա 11 երեխա և 1 ուսուցիչ։
Նշվում է, որ հրդեհի առաջացման պատճառը, ըստ նախնական տվյալների, էլեկտրալարերի անսարքությունն է եղել։
