Դորտմունդում դժգոհ են Օբամեյանգից և ցանկանում են լուրջ զրուցել նրա հետ
Գերմանական մամուլը նշում է, որ Դորտմունդի «Բորուսիայի» հարձակվող Պյեր-Էմերիկ Օբամեյանգը վերջերս բարկացրել է թիմի ղեկավարությանը ոչ մարզական պահվածքի պատճառով:
Թիմի ղեկավարությունը որոշել է լուրջ զրուցել գաբոնցի ֆուտբոլիստի հետ: Զրույցի պատճառ է դարձել Օբամեյանգի պահվածքը թիմի վերջին հանդիպումից հետո: Կարևոր խաղում պարտվելուց հետո Օբամեյանգը չի լսել մարզչին և ակումբում տրվել է գիշերային զվարճանքներին:
«Բորուսիայի» մարզական տնօրեն Միխայել Ցորկը նշել է, որ հստակ տեղեկություններ չունի միջադեպի հետ կապված, բայց շատ լուրջ կզրուցի Օբամեյանգի հետ:
Սիրարփի Աղաբաբյան
