Դիարբեքիրի նախկին քաղաքապետին սպառնում է 230 տարվա ազատազրկում
Թուրքիայի դատախազությունը մեղադրանք է առաջադրել Դիարբեքիրի նախկին քաղաքապետ Գյուլթան Քըշանաքին՝ պահանջելով նրան դատապարտել 230 տարվա ազատազրկման «ահաբեկչական գործունեություն» ծավալելու համար։
Այս մասին հայտնում է թուրքական NTV հեռուստաալիքը՝ հղում կատարելով դատախազությանը։
Գյուլթան Քըշանաքը ազատվել էր պաշտոնից ու կալանավորվել այս տարվա հոկտեմբերին փոխքաղաքապետ Ֆըրաթ Անլըիի հետ միասին։
Երկու քաղաքական գործիչներն էլ քրդամետ «Ժողովուրդների դեմոկրատիա» կուսակցության անդամներ են։
