Կոալիցիոն ուժերը հարվածներ են հասցրել Մոսուլում ԴԱԻՇ-ի դիրքերին

Միջազգային կոալիցիայի ռազմաօդային ուժերը հարվածներ են հասցրել Իրաքի Մոսուլ քաղաքի հյուսիսում գտնվող ԴԱԻՇ-ի դիրքերին։

Իրաքի ոստիկանության մայոր Դերիլ Հադիր աս-Սադունին հայտնել է թուրքական «Անադոլու» գործակալությանը, որ Սանա Վադի Աքաբ շրջանում ոչնչացվել է 10 ահաբեկիչ։

Նրա խոսքով՝ հարվածներ են հասցվել օբյեկտներին, որոնք ահաբեկիչները օգտագործել են ռումբերի արտադրության համար։

Նշվում է, որ ավիահարձակումից հետո պայթուցիկ սարքերի դետոնացիայի հետևանքով շրջանում սպանվել է 14 խաղաղ բնակիչ։