Իտալիայում ներգաղթյալների հոսքը հասել է ռեկորդային մակարդակի
Այս տարի Իտալիա ժամանած ներգաղթյալների թիվը գերազանցել է 171 հազարը՝ գերազանցելով 2014թ. ռեկորդը, երբ երկիր էր ժամանել շուրջ 170.1 հազար մարդ, հայտնում է երկրի ներքին գործերի նախարարությունը։
ՄԱԿ-ի տվյալով՝ շուրջ 4690 ներգաղթյալ զոհվել է կամ անհետ կորել՝ փորձելով նավարկել Միջերկրական ծովով։
Ավելի քան 176 հազար մարդ ներկայումս գտնվում է հատուկ տեղակայման վայրերում։ Նրանց մեծ մասը Իտալիա է ժամանել աֆրիկյան երկրներից՝ մոտ 36 հազարը՝ Նիգերիայից, մոտ 20 հազարը՝ Էրիթրեայից, մոտ 12 հազարը՝ Գվինեայից։
Շատերը մտադիր են ուղևորվել հյուսիս, ամենատարածված ուղղություններն են Գերմանիան ու Շվեդիան։
