Գերմանական հայտնի ընկերությունը որոշել է զենք չվաճառել Թուրքիային
Գերմանական հայտնի զենք արտադրող ընկերությունը որոշել է զենք չվաճառել Թուրքիային: Այս մասին հայտնում է թուրքական haberler.com լրատվական կայքը:
Գերմանական զենք արտադրող Heckler & Koch ընկերությունը այս որոշումը կայացրել է Ավստրիայի կողմից Թուրքիայի դեմ ուղղված զենքի էմբարգոյից հետո:
Ընկերությունը հայտնել է, որ այսուհետ զենք է վաճառելու ՆԱՏՕ-ի անդամ եւ ՆԱՏՕ-ի հետ սերտ հարաբերություններ ունեցող այն երկրներին, որտեղ բարձր մակարդակի վրա է ժողովրդավորությունը եւ չկա կոռուպցիա:
