ՌԴ զորքերը համալրվել են նորագույն «Բուկ» համակարգերով
«Ալմազ-Անթեյ» ռուսաստանյան կոնցեռնը ՌԴ պաշտպանության նախարարությանն է հանձնել «Բուկ-Մ3» զենիթահրթիռային համալիրների բրիգադային հավաքածուն։ Այս մասին հայտնում է Lenta-ն՝ վկայակոչելով կոնցեռնի մամուլի ծառայությանը։
Նշվում է, որ նոր համակարգը հաջողությամբ անցել է փորձարկումները։
«Կարճ ժամանակահատվածում կոնցեռնի աշխատանքային կոլեկտիվին հաջողվել է ստեղծել սարք, որի առանցքային ցուցանիշները մեկուկես անգամ բարձր են, քան նախորդ սերնդինը»,- հայտարարել է կոնցեռնի գլխավոր տնօրեն Յան Նովիկովը։
Համալիրի հաջող փորձարկումները տեղի են ունեցել այս ամռանը։
Նախորդ սերնդի համալիրներից «ԲուկՄ3»-ը տարբերվում է քիչ նկատելի թռչող սարքերի, այդ թվում՝ անօդաչու թռչող սարքերի հակազդման ավելի մեծ հնարավորություններով, ինչպես նաև ավելի մեծ հեռահարությամբ։
