Լուկաշենկոն ուղևորվում է Ադրբեջան
Բելառուսի նախագահ Ալեքսանդր Լուկաշենկոն պաշտոնական այց է կատարում Ադրբեջան։ Ինչպես հայտնում են բելառուսական լրատվամիջոցները, Լուկաշենկոյի ինքնաթիռն արդեն դուրս է եկել Մինսկի օդանավակայանից։
Լուկաշենկոն Բաքվում կհանդիպի Ադրբեջանի նախագահ Իլհամ Ալիևի, երկրի վարչապետ Արթուր Ռասիզադեի հետ։ Հանդիպմանը կողմերը քննարկելու են բելառուսա-ադրբեջանական հարաբերությունների զարգացման հեռանկարները, այդ թվում՝ առևտրա-տնտեսական համագործակցությունը, ներդրումների, ագրոարդյունաբերական համալիրի, սպորտի ոլորտում հարցեր։
Սպասվում է, որ բանակցությունների արդյունքով կստորագրվեն մի շարք միջազգային փաստաթղթեր։
