«Տեսնո՞ւմ եք՝ ինչ լավ է ՀՀԿ-ն». Էդուարդ Շարմազանով
«Տեսնո՞ւմ եք՝ ինչ լավ է ՀՀԿ-ն, բաց, թափանցիկ աշխատում ենք»,- այսօր ՀՀԿ 16-րդ համագումարից հետո լրագրողների հետ զրույցում ասաց ՀՀԿ խոսնակ Էդուարդ Շարմազանովը:
Նա հայտնեց, որ կուսակցության փոխնախագահ Ռազմիկ Զոհրաբյանն իր ցանկությամբ դիմել է Սերժ Սարգսյանին և առողջական խնդիրների պատճառներից ելնելով՝ խնդրել է, որ չլինի Գործադիր մարմնի անդամ. «Պարզ է, Կարեն Կարապետյանի և Վիգեն Սարգսյանի մասով ասել եմ, Սամվել Ֆարմանյանի հետ կապված՝ ասեմ, որ մենք միշտ խնդիր ունենք՝ երիտասարդ, թարմ ավյուն գա կուսակցություն, իսկ Արփինե Հովհաննիսյանն այս տարիների ընթացքում ապացուցել է, որ արդյունավետ աշխատում է: Կուսակցությունը կունենա առաջին տեղակալ»:
