Ռուսաստանը համաձայնել է ֆինանսավորել «Ռեշտ-Աստարա» երկաթուղային ճանապարհը «Հյուսիս-Հարավի» շրջանակում
Ռուսաստանը համաձայնել է համատեղ կերպով ֆինանսավորել «Ռեշտ-Աստարա» երկաթուղային ճանապարհը «Հյուսիս-Հարավ» միջազգային տրանսպորտային միջանցքի շրջանակում, հայտնում է ադրբեջանական Report կայքը։ Այս մասին հայտնել է «Ռուսական երկաթուղային ճանապարհներ» ընկերության փոխնախագահ Ալեքսանդր Միշարինը։
«Մեզ արդեն ներկայացվել է համապատասխան բիզնես-պլանը։ Մենք քննարկել ենք փաստաթուղթն ու պատրաստել ենք առաջարկություններ, որոնք մոտ ապագայում կներկայացնենք ադրբեջանական ու իրանական կողմին»,- հավելել է նա։
Նշենք, որ «Ռուսական երկաթուղային ճանապարհներ» ընկերությունը չի բացահայտել միջոցների ծավալը, որը նախատեսում է տրամադրել նախագծի ֆինանսավորմանը։
