Պուտինը մեծ մամուլի ասուլիս կհրավիրի դեկտեմբերի 22-ին
ՌԴ նախագահ Վլադիմիր Պուտինը մեծ մամուլի ասուլիս կհրավիրի ռուսական և օտարերկրյա լրատվամիջոցների համար դեկտեմբերի 22-ին։ Այս մասին հայտնում է Կրեմլի կայքը։
Արդեն իսկ սկսվել է լրատվամիջոցների հավատարմագրումը։
Ավելի վաղ ՌԴ նախագահի քարտուղար Դմիտրի Պեսկովն էր հայտնել, թե Պուտինը տարեվերջին հանդես կգա մեծ մամուլի ասուլիսով։
Անցած տարի Պուտինի մամլո ասուլիսը տևել էր ավելի քան երեքուկես ժամ։ Այդ ընթացքում Պուտինը պատասխանել էր 44 հարցի, որոնց մեծ մասը վերաբերել էր Ռուսաստանի տնտեսական վիճակին ու միջազգային հարաբերություններին։
