Թրամփի կողմնակիցները Միթ Ռոմնիին չեն ցանկանում տեսնել պետքարտուղարի պաշտոնում. WSJ
Հանրապետական կուսակցության մի շարք անդամներ, որոնք հավատարիմ են ԱՄՆ նորընտիր նախագահ Դոնալդ Թրամփին, դեմ են հանդես եկել Մասսաչուսեթս նահանգի նախկին նահանգապետ Միթ Ռոմնիի՝ պետքարտուղարի պաշտոնում նշանակմանը, գրում է The Wall Street Journal-ը։
Ավելի վաղ հաղորդվել է, որ Թրամփը հակվում է նրան, որ Պետդեպի նոր ղեկավար նշանակի հենց Ռոմնիին։ Սակայն, ինչպես գրում է WSJ-ը, Թրամփի կողմնակիցները կոչ են անում նախընտրությունը տալ ոչ թե Ռոմնիին, այլ վստահելի համախոհի։
Թրամփի խորհրդական և նրա նախընտրական քարոզարշավի նախկին մենեջեր Քիլլիան Քոնվեյը Twitter-ում գրել է, որ Պետդեպի ղեկավարի պաշտոնում նախընտրելի է ավելի հավատարիմ մարդ։
Թրամփի խորհրդականը հոդված է հրապարակել այն մասին, որ Թրամփի կողմնակիցները նախազգուշացնում են Ռոմնիին պետքարտուղար նշանակելուց։
Ռոմնիի նշանակմանը դեմ են նաև Ներկայացուցիչների պալատի նախկին խոսնակ Նյութ Գինգրիչն ու Արկանզասի նախկին նահանգապետ Մայք Հաքաբին։
Ինչպես գրում է WSJ-ը, Ռոմնին ավելի վաղ հայտարարել էր, որ Թրամփը «հիմնարար վտանգ է ներկայացնում ամերիկյան ժողովրդավարության համար», ինչպես նաև նրան անվանել էր «խաբեբա» ու «խարդախ»։
