Սիրիայում սպանվել է ամերիկացի առաջին զինծառայողը
Ինչպես հայտնում է ԴԱԻՇ-ի դեմ ԱՄՆ-ի և նրանց դաշնակիցների պայքարը լուսաբանող Operation Inherent Resolve կայքը, Սիրիայում սպանվել է ամերիկացի առաջին զինծառայողը։ Վերջինս մահացել է ինքնաշեն ռումբի պայթյունի հետևանքով։ Դեպքը տեղի է ունեցել նոյեմբերի 24-ին Սիրիայի հյուսիսային Այն-Իսսա շրջանում։
ԱՄՆ պաշտպանության նախարար Էշթոն Քատչերը ցավակցել է զինծառայողի մահվան կապակցությամբ։
«Ես խորապես ցավում եմ, որ մեր խիզախ զինծառայողներից մեկը մահացել է Սիրիայում՝ մեզ պաշտպանելով ԴԱԻՇ-ի չարիքից»,- ասվում է Պենտագոնի ղեկավարի հայտարարության մեջ, որը հրապարակվել է գերատեսչության կայքում։
The Washington Post-ն ընդգծում է, որ ամերիկացի զինծառայողի մահը առաջինն էր ամերիկացի զինծառայողների շրջանում՝ դաշնակիցների ուժերի տեղակայման պահից ի վեր։
