Լիբանանի բանակը Սիրիայի հետ սահմանին ԴԱԻՇ-ի զինյալների խումբ է վնասազերծել

Լիբանանի բանակի հատուկ նշանակության ջոկատը գործողություն է իրականացրել ահաբեկիչների բանդայի դեմ, որը գործում է Սիրիայի հետ սահմանի լեռնային Ջուրուդ-Էրսալ տեղանքում։ Այս մասին հայտնում է «Ալ-Վաթան» գործակալությունը։

Դրա տեղեկություններով՝ զինծառայողներին հաջողվել է ձերբակալել հետախուզման մեջ գտնվող ԴԱԻՇ-ի առաջնորդներից Ահմեդ Յուսեֆ Ամմունին։ Վերջինս վիրավորվել է հրաձգության ժամանակ։ Ամունի հետ ձերբակալվել է ևս 11 զինյալ։
Ահաբեկիչների բազայում հայտնաբերվել են նաև զենքի պահեստներ ու պայթուցիկներ։