Ֆրանսիայում հարձակվել են միսիոներների ծերանոցի վրա, կա զոհ
Ֆրանսիայի հարավ-արևմուտքում՝ Մոնպելյե քաղաքի մոտ, միսիոներների համար նախատեսված ծերանոցի վրա հարձակման հետևանքով սպանվել է 1 կին, հայտնում են տեղի ԶԼՄ-ները։ Հարձակում գործած անձը զինված է եղել։
Ծերանոցում ապրում է ավելի քան 60 մարդ, որոնց մեծ մասը նախկինում միսիոներությամբ է զբաղվել Աֆրիկայում։
Ինչպես նշում է Reuters-ը, հղում կատարելով անանուն աղբյուրներին, դեռ ոչ մի ապացույց չկա, որ տեղի ունեցածը եղել է ահաբեկչություն։
Գործակալության հաղորդմամբ՝ սպանված կինը բնակվել է ծերանոցում։ Գործակալությունը հայտնում է, որ կինը հասցրել է զանգահարել ոստիկանություն, մինչ չարագործը նրան կսպաներ։
Տարեցները տարհանվել են։ Շարունակվում են զինված հանցագործի որոնողական աշխատանքները։
