ԵՄ-ն Ուկրաինային 160 մլն եվրո կտրամադրի մինչև այս տարվա ավարտը
Եվրոպական միությունը Ուկրաինային կտրամադրի 160 միլիոն եվրո մինչև այս տարվա ավարտը պետականության ամրապնդման և օրենքի գերակայության ապահովման նպատակով: Այս մասին նշվում է Եվրոպական հանձնաժողովի տարածած հաղորդագրության մեջ:
Բրյուսելում նոյեմբերի 24-ին կայացել է ԵՄ-Ուկրաինա գագաթնաժողովը, որի ընթացքում Կիևին տրամադրվել է հավելյալ 16 միլիոն եվրո կոռուպցիայի դեմ պայքարի նպատակով:
«104 միլիոն եվրոն կտրամադրվի պետական շինարարության համար և 52.5 միլիոն եվրո ընթացիկ տարում օրենքի գերակայությանն ամրապնդմանն ուղղված ծրագրերի իրականցման համար»,- ասված է Եվրոպական հանձնաժողովի հաղորդագրության մեջ:
