Քննարկվել են Լեռնային Ղարաբաղի հակամարտության կարգավորմանն առնչվող մի շարք հարցեր
Ռուսաստանի Դաշնության արտաքին գործերի նախարարի տեղակալ Գրիգորի Կարասինը նոյեմբերի 24-ին հանդիպում է ունեցել ԵԱՀԿ Մինսկի նորանշանակ ֆրանսիացի համանախագահ Ստեֆան Վիսկոնտիի հետ: ՌԴ ԱԳՆ պաշտոնական կայքը փոխանցում է, որ հանդիպումն անցել է վստահության ավանդական մթնոլորտում:
Քննարկվել են Լեռնային Ղարաբաղի հակամարտության կարգավորմանն առնչվող մի շարք հարցեր, այդ թվում` այս գործընթացի մեջ ֆրանս-ռուսական համագործակցությանը:
Հանդիպմանը մասնակցել է նաև ՄԽ ֆրանսիացի նախկին համանախագահ Պիեռ Անդրիոն, ինչպես նաև ռուս համանախագահ, հատուկ հանձնարարականներով դեսպան Իգոր Պոպովը:
