Ժիրինովսկին ու Էրդողանը քննարկել են ռուս-թուրքական միությունը

Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին Անկարայում հանդիպել է Թուրքիայի նախագահ Ռեջեփ Էրդողանի հետ, ասվում է կուսակցության մամուլի հաղորդագրության մեջ։ Այս մասին հայտնում է Interfax-ը։

«Հանդիպմանը քննարկվել է ռուս-թուրքական հարաբերությունների խորացումը»,- ասվում է հաղորդագրության մեջ։

Ժիրինովսկու գլխավորությամբ Ռուսաստանի Լիբերալ-դեմոկրատական կուսակցության պատվիրակությունը Անկարայում է թուրքական կողմի հրավերով։
Նշվում է, որ Ժիրինովսկին հանդես է եկել «Ռուսաստանի և Թուրքիայի միության» օգտին, հանուն երկու երկրների միջև փոխշահավետ համագործակցության։