Ֆրանսիայի խորհրդարանի բյուրոն մերժել է Օլանդին իմփիչմենթ հայտարարելու հարցը
Ֆրանսիայի ազգային ասամբլեայի բյուրոն մերժել է երկրի նախագահ Ֆրանսուա Օլանդի իմփիչմենթի մասին բանաձևի նախագիծը, հայտնում է BFM TV-ն։
Բյուրոյում խոստովանել են, որ նախաձեռնությունը չունի հաջողության հասնելու ինչ-որ շանսեր, քանի որ դրա իրականացումը պահանջում է մեծամասնություն, որը աջերը չունեն։
Խորհրդարանական աղբյուրների տվյալներով՝ նախաձեռնության դեմ է հանդես եկել 13 պատգամավոր, 8-ը հավանության է արժանացրել նախագիծը։
Բանաձևն ստորագրել էր 79 պատգամավոր՝ անհրաժեշտ 58-ի դիմաց։ Ընդ որում՝ 199 հանրապետական պատգամավորներից նախաձեռնությանն աջակցում է 152-ը։
Պատգամավորները հղում են կատարում իրենց նախաձեռնությունում երկրի Սահմանադրության 68-րդ հոդվածին, որի համաձայն՝ Ֆրանսիայի նախագահը կարող է հրաժարական ներկայացնել միայն դավաճանության կամ պետական գաղտնիքի հրապարակման պարագայում։
Պատգամավորները կարծում են, որ վերջերս հրատարակված «Նախագահը չպետք է դա ասեր» գրքում Օլանդը պետական գաղտնիք է հայտնել։
Մասնավորապես, նախագահը պատմում է նպատակաուղղված սպանությունների և Սիրիայի վրա 2013թ. չիրականացված հարձակումների պլանների մասին։
