«Իրանն ու ԵՄ-ն անում են հնարավոր ամեն ինչ՝ ամրապնդելու միջուկային գործարքը». Իրանի նախագահ
Իրանն ու Եվրամիությունը անում են հնարավոր ամեն ինչ, որ ամրապնդեն միջուկային գործարքը, Թեհրանում հայտարարել է Իրանի նախագահ Հասան Ռոուհանին Սլովենիայի նախագահ Բորուտ Պախորի հետ մամուլի ասուլիսին, հայտնում է իրանական IRINN հեռուստաալիքը։
Իրանի նախագահի խոսքով՝ ԵՄ-ի հետ հարաբերությունները մեծ նշանակություն ունեն Իրանի համար, և Սլովենիայի նախագահի այցը նպաստելու է փոխադարձ կապերի, ինչպես նաև Թեհրանի և Եվրոպայի հետ կապերի ակտիվացմանը։
Գլոբալ խնդիրները, ներառյալ՝ ահաբեկչությունը, ծայրահեղականությունն ու միգրացիոն հարցերը, տարածաշրջանային խնդիրներն ու ԱՄՆ նախագահական ընտրությունների արդյունքները նույնպես եղել են օրակարգում, հայտնել է Ռոուհանին։
