Անհայտ ակումբն առաջարկել է Մեսսիին 100 մլն եվրո՝ «Բարսելոնայի» հետ պայմանագիրը չերկարաձգելու համար
«Մանչեսթեր Սիթի», մենք քեզ ճանաչեցինք:
Մեսսիի գործող պայմանագիրը կատալոնական ակումբի հետ նախատեսված է մինչև 2018թ.: Ըստ El Mundo-ի տեղեկության, անհայտ ակումբն առաջարկել է Մեսսիին 100 մլն եվրո «Բարսելոնայի» հետ պայմանագիրը երկարաձգելուց հրաժարվելու համար:
Ավելի վաղ հաղորդվել էր, որ Էլ Կլասիկոյից հետո Մեսսին նոր պայմանագրի վերաբերյալ բանակցություններ կվարի կատալոնացիների հետ:
Լեոյի հրաժարագինը կազմում է 250 մլն եվրո:
Ամենաթանկ տրանսֆերը ֆուտբոլի պատմության մեջ տեղի ունեցավ 2016թ. օգոստոսին. Պոգբան «Յուվենթուսից» «Մանչեսթեր Յունայթեդ» տեղափոխվեց 105 մլն եվրոյով:
Պատրաստեց Անի Գաբուզյանը
