Ուժեղ քամու պատճառով Փոթի քաղաքը հոսանքազրկվել է
Ուժեղ քամու պատճառով Փոթի քաղաքում (Սամեգրելո-Զեմո Սվանեթի) վնասվել են էլեկտրահաղորդման գծերը եւ լարերը: Այս մասին հայտնել են քաղաքապետարանի մամուլի ծառայությունում: Քամին պոկել է տների տանիքները եւ արմատահան արել ծառերը: Փոթիի քաղաքապետարանի հատուկ ծառայություններն աշխատում են անընդհատ ռեժիմով, իսկ շարժական խմբերը մոնիթորինգ են իրականացնում ամողջ քաղաքում:
Քաղաքի բնակիչների մի մասը էլեկտրաէներգիա չի ստանում: Energo-ProGeorgia-ի տեղեկատվության համաձայն, հատուկ ծառայություններն աշխատում են արտակարգ ռեժիմով եւ մինչեւ օրվա վերջը կվերականգնվի ԷլեկտրաԷներգիայի մատակարարումն ամբողջ քաղաքում: Անբարենպաստ եղանակի պատճառած վնասը հաշվում են Փոթիի քաղաքապետարանին կից հատուկ հանձնաժողովի ներկայացուցիչները, հաղորդում է Sputnik-ը:
