Մի շարք ավտոճանապարհներին ձյուն է ու մառախուղ

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ նոյեմբերի 21-ին՝ ժամը 14:30-ի դրությամբ, Ստեփանավանի, Տաշիրի և Գորիսի ճանապարհներին տեղում է ձյուն:

Գորիսի տարածաշրջանի ավտոճանապարհներին տեղ-տեղ մերկասառույց է:

Նշված ճանապարհներին ճանապարհաշինարարները կատարում են մաքրման, աղով, ավազով մշակման աշխատանքներ:

Դիլիջանի, Իջևանի, Նոյեմբերյանի և Բերդի ճանապարհներին մառախուղ է, տեսանելիությունը` 70-80 մ:

ՀՀ միջպետական և հանրապետական նշանակության բոլոր ավտոճանապարհները բաց են:

ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն