«Ժառանգությունը» համապետական խորհրդի նիստ է գումարել
Այսօր «Ժառանգություն» կուսակցությունը հրավիրեց քաղաքական խորհրդի հատուկ նիստ, որին մասնակցում էին շուրջ հիսուն պատվիրակներ Հայաստանի տարբեր մարզերից, այդ թվում՝ ներկայացուցիչներ կուսակցության կանանց խորհրդից եւ երիտասարդական թեւից:
Րաֆֆի Հովհաննիսյանի նախագահությամբ խորհուրդը ընդլայնված կազմով քննարկեց հանրապետությունում եւ նրա շուրջ տիրող քաղաքական իրավիճակը՝ ուշադրության կիզակետում պահելով հաջորդ տարվա խորհրդարանական ընտրությունների շեմին ծավալվող զարգացումներն ու հնարավոր տարբերակները:
