«Չեմ կարող աշխատել «Սասնա ծռեր» հիմնադրամում». Ժիրայր Սէֆիլյանի կինը պարզաբանել է պատճառները
Ժիրայր Սէֆիլյանի կինը՝ Նանոր Սէֆիլյանը, պարզաբանել է «Սասնա ծռեր» հիմնադրամի հոգաբարձուների խոհրդից դուրս գալու պատճառները։ Ֆեյսբուքյան իր էջում Նանոր Սէֆիլյանը գրել է.
«Մի փոքր պարզաբանեմ «Սասնա ծռեր» հիմնադրամի հոգաբարձուների խոհրդից իմ դուրս գալու պատճառների մասին.
1. Ինձ համար դժվար է աշխատել մի հիմնադրամում, որի անունը «Սասնա ծռեր» է, և որը հայտարարում է, որ չի հարում ոչ մի քաղաքական կուսակցության կամ գաղափարի, բայց իր էջում դնում է հղումներ, հարցազրույցներ, կոչեր, որոնք ամբողջովին քաղաքական են և հիմնականում «Սասնա ծռերի» գաղափարներին չեն համընկնում և երբեմն, նույնիսկ, հակասում են «Սասնա ծռերի» քաղաքական գաղափարներին, հայացքներին: Ինչպես նաև դժվար է լինել հոգաբարձուների մի խորհրդում, որտեղ անդամների միջև գոյություն ունեն քաղաքական լուրջ տարակարծություններ:
2. Չեմ կարող աշխատել «Սասնա ծռեր» հիմնադրամում, որտեղ թափանցելիությունը լրիվ ապահովված չէ բոլոր անդամների համար: Հատկապես նկատի ունեմ Շվեյցարիայում բացված PayPall հաշվեհամարին. մինչև վերջ իմ համար պարզ չէր ում անունով բացված լինելու հանգամանքը, որի արդյունքում բոլորս տեսանք Շանթ Ոսկերիչյանի բարձրացրած հարցը և դրանից բխող բոլոր վեճերը:
Հիմնադրամի խորհուրդի անդամները պետք էր որ մեկը մյուսին նկատմամբ և հատկապես նվիրատուների նկատմամբ հարգանքով վերաբերվեր և պետք չեր պարտադրեր իր կամքը. մի բան որի հետ չեի կարող համակերպվել և որ այս բոլոր պատճառների արդյունքում չեի պատրաստվում իմ թույլ առողջությունը առավել ևս վնասեի որի համար հրաժարական տվեցի»:
