ԱՄՆ պետքարտուղարի ներկայացուցիչը Հայաստանից հետո կմեկնի Բաքու

Տարածաշրջանային այցով Հայաստան ժամանած Ամերիկայի Միացյալ Նահանգների պետքարտուղարի Եվրոպայի և Եվրասիայի հարցերով փոխտեղակալ Բրիջիթ Բրինքը հաջորդ շաբաթ կմեկնի Ադրբեջան։

Այս մասին հայտնում է ադրբեջանական APA գործակալությունը՝ վկայակոչելով Ադրբեջանում ԱՄՆ դեսպանությանը։

Տեղեկությունների համաձայն՝ Բրինքի և Ադրբեջանի պաշտոնատար անձանց հետ հանդիպումները նախատեսված են երկուշաբթի։
Ներկայումս Բրիջիթ Բրինքը գտնվում է Հայաստանում։