Թրամփն ազգային անվտանգության հարցով խորհրդականի պաշտոնն առաջարկել է Պենտագոնի հետախուզության բաժնի նախկին ղեկավարին
ԱՄՆ բանակի պաշտոնաթող գեներալ-լեյտենանտ Մայքլ Ֆլինն առաջարկ է ստացել ԱՄՆ նորընտիր նախագահ Դոնալդ Թրամփից՝ զբաղեցնել ազգային անվտանգության հարցերով խորհրդականի պաշտոնը, հայտնում են Սպիտակ տնից։
2012-2014թթ. Ֆլինը ղեկավարել է ԱՄՆ պաշտպանության նախարարության հետախուզական վարչությունը։ Նա պնդում է, որ իրեն ստիպել են հեռանալ այդ պաշտոնից արմատական իսլամի նկատմամբ ունեցած իր հայացքների համար, հայտնում է BBC-ն։
Ներկայումս տեղեկություններ չկան՝ արդյոք համաձայնել է Ֆլինը ընդունել իրեն առաջարկված պաշտոնը։
Փետրվարից նոյեմբեր Ֆլինը եղել է Թրամփի խորհրդականներից մեկը նախընտրական քարոզարշավի ընթացքում։
